Hressir ítalskir stuðningsmenn mættu með borða á Wembley í gær þar sem þeir voru búnir að breyta hinni frægu setningu ,,it’s coming home“ örlítið sér í hag.

Það er oft talað um að fótboltinn sé á ,,leið heim“ ef Englendingar skildu vinna stórmót. Nú er liðið komið í undanúrslit Evrópumótsins og gæti vel verið að það takist hjá þeim.

Enska liðið þarf þó fyrst að fara í gegnum það danska. Liðin mætast í seinni undanúrslitaleik mótsins í kvöld. Sigurvegarinn mætir Ítalíu í úrslitaleiknum. Ítalir unnu Spánverja í vítaspyrnukeppni í gær til að tryggja sér sæti í úrslitum.

Fyrir leik voru tveir ítalskir stuðninsgmenn búnir að skrifa ,,It’s coming home“ á ítalska fánann. Þeir höfðu þó krotað yfir ,,home“ og sett ,,to Rome“ í staðinn. Róm er auðvitað höfuðborg Ítalíu.

Mynd af þessu má sjá hér fyrir neðan.

😂😂😂 pic.twitter.com/1J6Q2NWf7e

— Footy Humour (@FootyHumour) July 6, 2021