Nokkrir leikir fóru fram í þýsku Bundesligunni fyrr í dag. Ljóst er að Bayern er orðið meistari eftir að Dortmund vann Leipzig.
Borussia Dortmund vann 3-2 sigur á Leipzig í stórleik umferðarinnar. Marco Reus og Jadon Sancho komu þeim gulklæddu í 2-0. Leipzig jafnaði þó leikinn með mörkum frá Lukas Klostermann og Dani Olmo. Sancho var þó hetja Dortmund á lokamínútunum þegar han skoraði sigurmarkið.
Þessi úrslit þýða að Bayern Munchen er meistari níunda árið í röð. Leipzig getur ekki náð þeim að stigum. Dortmund er komið í Meistaradeildarsæti, 2 stigum á undan Frankfurt. Síðarnefnda liðið á þó leik til góða.
Wolfsburg vann þá mikilvægan 3-0 sigur á Union Berlin þar sem Josip Brekalo gerði öll mörkin. Wolfsburg er í þriðja sæti, 4 stigum á undan Frankfurt. Þeir hafa þó, líkt og Dortmund, leikið einum leik meira.
Werder Bremen og Leverkusen gerðu markalaust jafntefli. Werder er aðeins stigi á undan fallsæti. Þá eiga liðin fyrir neðan þá öll leiki til góða. Leverkusen er í sjötta sæti í baráttu um þátttökurétt í Evrópudeildinni.
Loks vann Hoffenheim 4-2 sigur á Schalke. Leikurinn skipti litlu máli hvað stöðutöfluna í deildinni varðar. Hoffenheim er um miðja deild á meðan Schalke er fallið.
