Fólk hefur beitt mörgum aðferðum til að komast að því hvort maki þeirra sé að halda framhjá eða ekki. En samkvæmt nýrri rannsókn er mun einfaldri leið til að vita hvort makinn sé þér ótrúr.

Menn sem klæðast dýrum tískufatnaði með stóru útsaumuðu lógó-i eru líklegri til að halda framhjá, samkvæmt nýrri rannsókn háskólans í Michigan sem var birt í Personality and Social Psychology Bulletin. NY Post greinir frá.

Rannsakendur notuðu vinsælu Ralph Lauren póló bolina. Annars vegar bol með litlu lógó og hins vegar bol með stærri gerð af sama lógó-i. Rannsakendur spurðu síðan karlmenn hvorum bolnum þeir myndu klæðast í partý og aðra viðburði.

Samkvæmt niðurstöðunum hafa menn sem eru hrifnari af bolum með stóru lógó-i meiri áhuga á skyndikynnum og minni áhuga á langtíma samböndum.

Þeir hafa einnig minni áhuga á konum sem vilja langtímasamband, samanborið við menn sem kjósa skyrtur og boli með minna lógó-i.

Niðurstöðurnar gefa einnig til að kynna að menn sem klæðast tískufatnaði með stóru lógó-i eru meira aðlaðandi í augum kvenna sem hafa áhuga á skyndikynnum, heldur en karlmenn í bolum með minna lógó-i.

Kvenkyns þátttakendur sögðust ekki vera hissa á þessum niðurstöðum og voru sammála.