Það aukast alltaf líkurnar á því að Tottenham reki Jose Mourinho úr starfi í sumar, leikmenn eru sagðir ósáttir með vinnubrögð hans og úrslitin hafa ekki verið góð.

Tottenham gerði jafntefli við Newcastle um helgina og lét Mourinho hafa eftir sér að hann væri áfram jafn góður stjóri og áður en leikmennirnir væru ekki að svara kallinu.

Ef Tottenham ætlar að reka Mourinho í sumar þarf félagið að borga honum 30 milljónir punda, um er að ræða þann launapakka sem Mourinho er með hjá félaginu til ársins 2023.

Ef Mourinho mistekst hins vegar að stýra Tottenham í Evrópusæti lækkar sú upphæð verulega, ef marka má ensk blöð. Slík klásúla er í samningi hans.

Forráðamenn Tottenham eru sagðir skoða stöðuna en Mourinho þénar 2,6 milljarða í laun á ári sem þjálfari liðsins.