Orkla House Care hefur gert einkasölusamning við heildsöluna John Lindsay hf. um dreifingu, markaðsetningu og alhliða þjónustu á öllum framleiðsluvörum OHC á Íslandi. Um er að ræða vörur fyrir byggingarvörumarkaðinn, þ.m.t. penslar, málningarúllur og ýmsa aðra viðeigandi aukahluti. Samningurinn tekur gildi frá og með 1. mars nk.

„Með þessum samningi vona samningsaðilar að þjónusta og utanumhald á framleiðsluvörum Orkla House Care á Ísland verði í takt við það sem OHC á að venjast frá öðrum mörkuðum víða um heim,“ segir Stefán S. Guðjónsson, forstjóri Lindsay.

OHC hefur náð góðum árangri síðustu ár á Íslandi með sín helstu vörumerki s.s Anza, Harris Spekter í góðri samvinnu við lykilverslanir á markaðnum. En nú vill OHC gera betur. ,,Þegar við lítum til annarra landa þá sjáum við að enn er nokkuð svigrúm,” segir Mark Parr, svæðisstjóri OHC fyrir Norður-Evrópu. Orkla House Care framleiðir málningarverkfæri, bursta, pensla, rúllur o.fl. Fyrirtækið starfar í yfir sjötíu löndum og er með góða markaðshlutdeild fyrir sínar framleiðsluvörur á heimsmarkaði.

Við þekkjum Lindsay vel og teljum að sú þekking og reynsla sem þar er að finna, ekki síst í vöru og vörumerkjastýringu, muni skipta sköpum til að ná enn frekari árangri. Við viljum virkja þessa þekkingu í þágu okkar og íslenska markaðarins. Við sjáum tækifæri til enn frekari viðskipta með framsæknu og öflugu framlínustarfi sem á endanum mun gagnast kaupendum vörunnar, neytendum best,” segir Mark Parr ennfremur.