fbpx
Sunnudagur 22.júní 2025
Fréttir

Hávær orðrómur um Pfizer sendingu vekur umtal meðal Íslendinga

Máni Snær Þorláksson
Sunnudaginn 7. febrúar 2021 14:00

Mynd/Samsett

Ekki missa af Helstu tíðindum dagsins í pósthólfið þitt

Lesa nánar

Undanfarna daga hafa verið uppi afar háværir orðrómar um að risastór sending af bóluefni sé á leiðinni til landsins beint frá höfuðstöðvum Pfizer. Vilja margir meina að um sé að ræða skammt sem myndi duga til að mynda hjarðónæmi hér á Íslandi.

Máli sínu til stuðnings hafa margir bent á að þessa stundina er verið að undirbúa Laugardalshöllina fyrir fjöldabólusetningu. Óskar Reykdalsson, forstjóri Heilsugæslu höfuðborgarsvæðisins, sagði í samtali við RÚV að mögulegt væri að taka á móti allt að 10-15 þúsund manns á dag í bólusetningu í höllinni.

Önnur hávær saga kveður að búið sé að leigja vél frá Icelandair undir flutning 750 þúsund skammta í lok febrúar en allir sem eitthvað vita skipta um umræðuefni þegar málið berst í tal.

Þrátt fyrir fréttir af undirbúningi Laugardalshallar hefur enginn stigið fram og staðfest að skammtarnir frá Pfizer séu á leiðinni. Íslendingar virðast þó vera handvissir um að þeir séu að leggja saman tvo og tvo og fá út fjóra í dæminu, það er að orðrómurinn sé sannur og að von sé á skömmtunum frá Pfizer fyrir mánaðarmót. Margir hafa til dæmis bent á að lítið hefur heyrst í Kára Stefánssyni, forstjóra Íslenskrar erfðagreiningar, undanfarið og vilja þeir meina að það sé vísbending um að hann sé með puttana í málinu.

Lögmaðurinn Árni Helgason er á meðal þeirra sem benda á mögulega aðild Kára en það gerði hann í færslu sem hann birti á Twitter-síðu sinni í gær.

 

Hafliði Breiðfjörð, framkvæmdastjóri Fótbolti.net, tístir líka um málið og deilir fréttum sem ríma ansi mikið við orðróminn um að bóluefnið sé á leiðinni.

Fleiri Íslendingar hafa svo notað tækifærið og grínast með þennan mögulega samning við Pfizer. Hrafn Jónsson, kvikmyndagerðarmaður, er á meðal þeirra sem grínast með málið en hann bendir á það sem gæti gerst ef ekki næst að koma samningnum í höfn.

Egill Einarsson, útvarpsmaður og þjálfari, birti síðan tíst í gær um málið sem hefur vakið ansi mikla athygli á samfélagsmiðlinum, hundruðir Íslendinga hafa líkað við það. Í tístinu, sem sjá má hér fyrir neðan, segist hann ætla að fara niður á Þórólf ef honum tekst að lenda samningnum.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Fyrir 2 dögum

Fyrrum forstjóri CIA segir að áætlun Trump varðandi stríðið í Úkraínu sé „barnaleg og ófullkomin“

Fyrrum forstjóri CIA segir að áætlun Trump varðandi stríðið í Úkraínu sé „barnaleg og ófullkomin“
Fréttir
Fyrir 2 dögum

Lögreglan lýsir eftir manni

Lögreglan lýsir eftir manni
Fréttir
Fyrir 2 dögum

Starfsmaður leikskóla var sakaður um árás á sex ára dreng – „Þú meiddir mig, þú meiddir mig“

Starfsmaður leikskóla var sakaður um árás á sex ára dreng – „Þú meiddir mig, þú meiddir mig“
Fréttir
Fyrir 2 dögum

Egill fékk skammir fyrir að gagnrýna mótmælendur – „Og þú móðgast yfir Palestínskum fána á 17 júní!!!???”

Egill fékk skammir fyrir að gagnrýna mótmælendur – „Og þú móðgast yfir Palestínskum fána á 17 júní!!!???”
Fréttir
Fyrir 3 dögum

Spæjarastofan PPP stal líka gögnum frá stórum þrotabúum – „Merkilegir póstar ekki tengdir málum“

Spæjarastofan PPP stal líka gögnum frá stórum þrotabúum – „Merkilegir póstar ekki tengdir málum“
Fréttir
Fyrir 3 dögum

Leigjandi beið ósigur í harðvítugri deilu við leigusala – Ásakanir um hlutdrægni höfðu ekkert að segja

Leigjandi beið ósigur í harðvítugri deilu við leigusala – Ásakanir um hlutdrægni höfðu ekkert að segja