37 klukkustundir eru síðan John Snorri, Ali Sadpara og Juan Pablo Mohr lögðu af stað í átt að tindi K2 en ekkert hefur spurst af þeim síðan þá. Þeir lögðu af stað klukkan átta á fimmtudagskvöld og ætti ferðin að taka um 15 klukkustundir.
4. maðurinn í föruneyti Johns, Sajid Sadpara, er í 3. búðum fjallsins á leið niður eftir að hafa beðið í 20 klukkustundir eftir John og félögum. Þetta kemur fram í Facebook-færslu sem Chhang Dawa, sjerpi frá Nepal, birti snemma í morgun.
https://www.facebook.com/14dawa/posts/1781999431977880
Hann segir einnig í færslunni að herinn í Pakistan hafi sent þyrlur til að leita að John og hinum mönnunum. Erfitt verður fyrir þyrluna að athafna sig vegna hvassra vinda en farið verður með hana eins hátt og mögulegt er.
John fór að K2 til að verða fyrstur til að klífa fjallið að vetrarlagi en Nirmal Purja og hópur hans voru undan þegar þeim tókst afrekið í seinustu viku.
Uppfært klukkan 9:57
Þyrluleitin skilaði engum árangri og fer veðrinu versnandi. Þetta kom fram í nýjustu færslu Chhang Dawa.
https://www.facebook.com/14dawa/posts/1782073268637163
