Hugmyndir um að binda endi á COVID-19 faraldurinn með því að ná hjarðónæmi eru „hættuleg mistök sem engin vísindaleg gögn styðja“ segja 80 vísindamenn í opnu bréfi sem hefur verið birt í læknaritinu the Lancet. The Guardian greinir frá.

Í bréfinu segja vísindamennirnir að áhuginn á að ná hjarðónæmi eigi uppruna sinn að rekja til „víðtækrar siðspillingar og minnkandi traust“ vegna þeirra sóttvarnaraðgerða sem gripið hefur verið til í mörgum ríkjum í kjölfar nýrrar bylgju faraldursins.

Þeir segja að hugmyndin um að vernda viðkvæma hópa en leyfa veirunni að dreifa sér meðal þeirra sem eru í minni áhættu sé röng. Það að leyfa veirunni að dreifa sér stjórnlaust meðal ungs fólks auki líkurnar á miklum veikindum og dauðsföllum. Auk fórnarkostnaðar í mannslífum myndi þetta hafa áhrif á vinnumarkaðinn og yfirfylla heilbrigðisstofnanir sem þyrftu að veita nauðsynlega aðhlynningu.

The Guardian segir að meðal þeirra sem skrifi undir bréfið séu sérfræðingar í lýðheilsu, farsóttafræðingar, veirufræðingar, sálfræðingar, læknar og stærðfræðingar.