Örvæntingarfull kona leitar ráða til Dear Deidre, kynlífs- og sambandsráðgjafa The Sun. Hún og eiginmaðurinn hennar hafa aðeins stundað samfarir þrisvar sinnum síðan þau gengu í það heilaga fyrir þremur árum.
„Við höfum verið saman í tíu ár og kynlífið okkar var frábært áður en við giftum okkur. Nú segir hann að við séum of feit og hann sé of lítill að neðan til að við stundum kynlíf. Hann er líka hættur að vilja fá knús frá mér á almannafæri,“ segir konan.
„Ég skil ekki hvað breyttist. Við erum á fertugsaldri og við erum kannski í smá ofþyngd, en það var ekki vandamál áður. Við erum byrjuð að fullnægja hvort öðru án þess að stunda samfarir og hann segir að það sé það besta í heimi, en ég vil að maðurinn minn njóti almennilega ásta með mér aftur.“
Deidre gefur konunni ráð.
„Það gæti verið að hann hafi séð ykkur sem kynþokkafullt par áður en þið giftust. En nú sér hann ykkur sem gift hjón í ofþyngd. Hvernig var hjónaband foreldra hans? Þú þarft að tala við hann um þetta og þið gætuð þurft hjálp,“ segir hún og bendir þeim á sambandsráðgjöf á netinu.
