Pep Guardiola, stjóri Manchester City, á von á refsingu fyrir hegðun sína eftir leik við Tottenham um helgina.
Frá þessu greina enskir miðlar en Guardiola mætti ekki í viðtal fyrr en 45 mínútum of seint á sunnudaginn.
Margir töldu að Guardiola væri að láta sína menn heyra það eftir 2-0 tap en hann neitar því.
,,Aldrei. Eftir þessa frammistöðu? Af hverju ætti ég að gagnrýna þá?“ sagði Guardiola.
,,Ég var að tala við starfsfólkið mitt og eiginkonu. Það væru stór mistök að gagnrýna þá eftir svona frammistöðu.“
Þrátt fyrir það þá er skylda fyrir stjóra að mæta í viðtal eftir leiki og var Guardiola of seinn.
