Manchester United og Sporting Lisbon eru nú að deila um kaupverðið á Bruno Fernandes, miðjumanni félagsins. United vill kaupa Fernandes og Sporting er tilbúið að selja. Talið er að Fernandes sé á leið til United í þessum glugga vegna fjárhagsvandræða Sporting Lisbon.
Ensk blöð segja að United sé búið að bjóða 50 milljónir punda, og 10 milljónir punda að auki í bónusa. Það fer eftir frammistöðu liðsins og Fernandes, hversu mikið Sporting fær af því.
Sporting vill hins vegar 64 milljónir punda strax, ekki neina bónusa en félögin deila um þessi mál núna.
Ensk blöð segja að Jorge Mendes, einn áhrifamesti umboðsmaður í heimi reynir að hjálpa United að klára kaupin. Sagt er að Mendes sé á skrifstofu United í London til að hjálpa félaginu að ná saman við Sporting.
Mendes hefur unnið náið með Manchester United en hann er meðal annars umboðsmaður Cristiano Ronaldo.