Kraftlyftingamaðurinn Júlían J.K Jóhannsson er íþróttamaður ársins fyrir árið 2019 en þetta var staðfest í kvöld.

Júlían átti frábært ár í sinni íþrótt en hann hafnaði í þriðja sæti heimsmeistaramótsins í kraftlyftingum í nóvember.

Einnig náði Júlían öðru sæti á Evrópumeistaramótinu í sumar og átti því virkilega gott ár.

Martin Hermannsson, körfuboltamaður, var í öðru sæti í valinu og fær silfurverðlaun.

Martin er 25 ára gamall körfuboltamaður en hann spilar með Alba Berlin í Þýskalandi.

Þar hefur Martin spilað síðan 2018 en hann er uppalinn í KR og spilaði með liðinu við góðan orðstír áður en atvinnumennskan kallaði.

Martin er einnig einn allra mikilvægasti leikmaður íslenska landsliðsins og átti besta árið að mati samtaka íþróttafréttamanna.

Sara Björk Gunnarsdóttir var í þriðja sætinu í valinu en hún leikur með Wolfsburg í Þýskalandi.

Knattspyrnukonan er 29 ára gömul en hún á að baki 130 landsleiki fyrir Ísland og hefur skorað í þeim 20 mörk.

Sara fagnaði sigri með Wolfsburg í bæði deild og bikar á þessu ári en liðið er eitt það sterkasta í Evrópu.

Fleiri leikmenn fengu atkvæði og hér má sjá hvaða íþróttamenn fengu stig og hversu mörg þau voru.

Íþróttamaður ársins
1. Júlían J. K Jóhannsson, kraftlyftingar – 378
2. Martin Hermannsson, körfubolti – 335
3. Sara Björk Gunnarsdóttir, fótbolti – 289
4. Anton Sveinn McKee, sund – 244
5. Arnar Davíð Jónsson, keila – 218
6. Aron Pálmarsson, handbolti – 158
7. Guðbjörg Jóna Bjarnadóttir, frjálsíþróttir – 98
8. Glódís Perla Viggósdóttir, fótbolti – 61
9. Guðmundur Ágúst Kristjánsson, golf – 55
10. Gylfi Þór Sigurðsson, fótbolti – 53

11. Már Gunnarsson, íþróttir fatlaðra – 30
12. Jóhann Skúlason, hestaíþróttir – 29
13. Helena Sverrisdóttir, körfubolti – 22
14. Ragnar Sigurðsson, fótbolti – 17
15. Haraldur Franklín Magnús, golf – 15
16. Arnór Þór Gunnarsson, handbolti – 13
17-18. Íris Björk Símonardóttir, handbolti – 6
17-18. Jón Axel Guðmundsson, körfubolti – 6
19-20. Kolbeinn Sigþórsson, fótbolti – 5
19-20. Jóhann Berg Guðmundsson, fótbolti – 5
21. Guðlaug Edda Hannesdóttir, þríþraut – 3
22. Elín Metta Jensen, fótbolti – 2
23-24. Guðjón Valur Sigurðsson, handbolti – 1
23-24. Margrét Lára Viðarsdóttir, fótbolti – 1