Gylfi Þór Sigurðsson spilaði í góðum sigri Everton í dag er liðið heimsótti Newcastle í hörkuleik.
Það er aldrei auðvelt að mæta á St. James’ Park en Dominic Calvert-Lewin skoraði bæði mörk Everton í 2-1 útisigri.
Gylfi var á sínum stað á miðju Everton í leiknum og spilaði allan leikinn.
Watford er að taka við sér og vann liðið mjög góðan heimasigur á Aston Villa á sama tíma.
Troy Deeney gerði tvö mörk fyrir Watford í 3-0 sigri en tvö af mörkum liðsins komu eftir rautt spjald Adrian Mariappa á 57. mínútu.
Watford vann því Villa með tíu menn gegn 11 sem verður að teljast vel gert.
Í hinum leiknum sem var að ljúka áttust svo við Southampton og Crystal Palace en þar voru lokatölur 1-1.
Newcastle 1-2 Everton
0-1 Dominic Calvert-Lewin
1-1 Fabian Schar
1-2 Dominic Calwert-Lewin
Watford 3-0 Aston Villa
1-0 Troy Deeney
2-0 Troy Deeney
3-0 Ismaila Sarr
Southampton 1-1 Crystal Palace
0-1 James Tomkins
1-1 Danny Ings
