Það getur verið vandræðalegt að byrja fund. Samstarfsfélagar spjalla kannski um daginn og veginn þar til allir eru mættir, sumir gleyma að koma með glósubók og svo eru það þeir sem mæta seint. En þú, hvernig byrjar þú fund? Ertu að fá allt sem þú getur úr fundinum?
Níu af hverjum tíu dagdreymir á meðan fundi stendur og 73 prósent einstaklinga vinna að öðrum verkefnum á meðan.
Þess vegna byrjar Oprah Winfrey alla fundi á sömu þremur spurningunum svo ásetningur fundarins sé skýr.
Hvað ætlum við okkur með þessum fundi? Hvað er mikilvægt? Hvað skiptir máli?
Brendon Burchars, höfundur High Perforamnce Habits: How Extraordinary People Become That Way, segir að Oprah byrji alla fundi á þessum þremur spurningum því afkastamikið fólk (e. high performers) vill skýrleika.
Skýrleiki er ekki eitthvað sem afkastamikið fólk „nær“ eða „tekst“ heldur er það eitthvað sem það „leitast eftir.“
Með því að spyrja þig þessara spurninga þá hjálpar það þér að „endurfókusa“ (e. refocus).
Prófaðu að spyrja þig þessara spurninga í dag og sjáðu hvort það breyti einhverju fyrir þig.
Brendon spyr sig alltaf á kvöldin: Lifði ég? Elskaði ég? Skipti ég máli? Hann hefur gert það á hverju kvöldi í 23 ár, síðan hann lenti í lífshættulegu bílslysi þegar hann var nítján ára.
Þegar hann getur sagt já við þessum þremur spurningum, þá sefur hann betur.
Þannig prófaðu að spyrja þig í kvöld áður en þú ferð að sofa: Lifði ég lífi mínu í dag? Elskaði ég fólkið í kringum mig? Gerði ég eitthvað sem skiptir máli?
