Rio Ferdinand, fyrrum leikmaður Manchester United, heimtar að Liverpool biðjist afsökunar eftir atvik sem kom upp árið 2011.

Luis Suarez var þá ásakaður um rasisma af Patrice Evra en þeir léku með Liverpool og einmitt United.

Leikmenn Liverpool klæddust bolum í upphitun með Suarez framan á til að sýna honum stuðning.

Jamie Carragher var einn af þeim en hann hefur beðið Evra afsökunar og segir að um mistök hafi verið að ræða.

,,Hrós á Jamie Carragher fyrir að biðjast afsökunar, átta árum eftir það sem gerðist,“ sagði Ferdinand.

,,Ég held þó að þetta sé stærra en Carragher, þetta er félagið. Liverpool olli vonbrigðum með því að klæðast treyjum þar sem þeir sýndu leikmanni sem ásakaður var um rasisma stuðning.“

,,Það eru átta ár síðan og afsökunarbeiðnin hefur ekki komið frá Liverpool. Bolir munu ekki breyta neinu.“