Grótta leitar að næsta þjálfara sínum eftir að Óskar Hrafn Þorvaldsson, sagði upp störfum á laugardag. Hann ákvað að taka við Breiðablik.
Um helgina átti Grótta í viðræðum við Bjarna Guðjónsson, aðstoðarþjálfara KR um að taka við. Ekki er komið á hreint hvað Bjarni gerir.
Fleiri áhugaverðir kostir eru í stöðunni fyrir Gróttu en félagið er í fyrsta sinn komið í Pepsi Max-deild karla.
Hér að neðan eru fimm kostir sem Grótta gæti skoðað.
Bjarni Guðjónsson
Grótta hefur átt í viðræðum við aðstoðarþjálfara KR um að taka við. Spennandi kostur en hann kveðst sáttur Í KR.
Halldór Árnason
Gæti haldið áfram með sömu vinnu og Óskar Hrafn var að vinna með, var hans aðstoðarmaður og unnu þeir afar náið saman.
Ágúst Gylfason
Léttur, ljufur og kátur Gústi Gylfa gæti gert eitthvað með Gróttu, hefur náð fínum árangri í efstu deild.
Sigurbjörn Hreiðarsson
Sigurbjörn hefur fína reynslu í þjálfun, hefur stýrt Haukum og verið aðstoðarmaður Ólafs Jóhannessonar í Val. Gæti haft áhuga á starfinu
Ejub Purisevic
Gæti haldið Gróttu uppi með öguðum og vel skipulögðum leik en það er ekki líklegt að Grótta fari í þá átt.
