Manchester United og Sheffield United mættust í æfingaleik á æfingasvæði Manchester United í gær.
Þarna spiluðu menn sem þurfa á mínútum að halda en lítið leikjaálag er í upphafi móts.
United vann 3-1 sigur en Mason Greenwood, Andreas Pereira og Angel Gomes skoruðu mörkin.
Í liði Sheffield var fyrrum vonarstjarna United, Ravel Morrisson en hann er að koma sér í form. Ravel átti að verða einn af betri leikmönnum Englands.
Hann er hins vegar algjör vandræðagemsi og hefur komið sér í klandur víða. Hann fær nú aftur tækifæri í ensku úrvalsdeildinni.
Paul Pogba lék ekki með United í leiknum en hann horfði á leikinn og sinn gamla vinn Ravel. Þeir ólust upp saman hjá United.
Ravel og Pogba voru bestu leikmennirnir í unglingaliði United en ferlar þeirra hafa ekki farið sömu leið.
Ravel og Pogba fengu sér svo að borða saman á æfingasvæði United og birtu þessa mynd.
