Theodór Elmar Bjarnason, landsliðsmaður, hefur tjáð sig um ‘burstamálið’ sem kom upp á Keflavíkurflugvelli í gær.

Tyrknenska karlalandsliðið er mætt til landsins en liðið spilar við Ísland í undankeppni EM á morgun.

Tyrkir vilja meina að þeir hafi orðið fyrir hálfgerðu áreiti á flugvellinum þar sem mikil og ítarleg leit fór fram eftir lendingu.

,,Ég veit ekki af hverju en samkvæmt sögusögnum þá er Konya ekki alþjóðaflugvöllur og þessi leit var nauðsynleg,“ sagði Elmar við tyrknenska miðla.

,,Ég trúi því hins vegar ekki. Þeir áttu að vita það að þetta hafi verið leikmenn tyrknenska landsliðsins.“

,,Þetta atvik tengist reglum flugvallarins, Íslendingar myndu ekki sætta sig við öðruvísi meðferð vegna knattspyrnuleiks. Það væri ekki sanngjarnt og ekki ásættanlegt.“

Síðar talaði Emre Belözoglu, fyrirliði Tyrklands, við blaðamenn er maður með þvottabursta blandaði sér í málið og veifaði honum fyrir framan miðjumanninn.

Tyrkir eru bálreiðir eftir þessa hegðun mannsins sem ber nafnið Corentin Siamang og er frá Belgíu.

,,Margir segja að burstamaðurinn sé túristi en ef hann er Íslendingur þá talar hann svo sannarlega ekki fyrir hönd Íslands, enginn styður þetta. Þetta var mikil óvirðing.“

,,Ég tel að Íslendingar virði Tyrki og þeirra landslið mjög mikið. Ég vona að leikurinn verði skemmtilegur og að þeir haldi áfram að spila góðan bolta eins og undanfarið. Ég elska landið ykkar og tyrkenska fólkið mjög mikið.“

Elmar þekkir bæði lönd mjög vel en hann hefur undanfarin ár leikið við góðan orðstír í einmitt Tyrklandi.