Ange Postecoglou telur að Tottenham geti enn bjargað sér frá falli úr ensku úrvalsdeildinni þrátt fyrir að vera í erfiðri stöðu.

Postecoglou, sem var rekinn frá Tottenham eftir að hafa stýrt liðinu til sigurs í Evrópudeildinni fyrir tæpu ári síðan, segir liðið hafa gæði til að snúa genginu við.

„Ég trúi því enn að þeir geti þetta. Leikmannahópurinn er sterkur en er ekki vanur því að vera í fallbaráttu,“ segir Ástralinn.

Síðan Postecoglou var rekinn hefur Tottenham haft þrjá stjóra, en Roberto De Zerbi er sem stendur við stjórnvölinn.

Tottenham vann afar mikilvægan 1-0 sigur á Wolves um helgina, sem var sá fyrsti hjá liðinu í deildinni á árinu. Tottenham er þó enn tveimur stigum frá öruggu sæti þar sem West Ham vann sinn leik einnig.

Lærisveinar De Zerbi mætir Aston Villa í næsta leik.