Arsenal horfir til Brahim Diaz hjá Real Madrid fyrir sumarið ef marka má spænska miðla.
Diaz er ekki fastamaður í liði Real Madrid en hefur samt sem áður skorað sjö mörk og lagt upp önnur sjö á leiktíðinni.
Arsenal fylgist með gangi mála og telur sig geta fengið kappann fyrir um 35 milljónir punda.
Hinn 26 ára gamli Diaz getur leikið á köntunum og fremst á miðjunni. Hann myndi því færa Skyttunum aukna breidd fram á við.
Diaz gekk í raðir Real Madrid frá Manchester City ungur að árum 2019. Hann hefur þó eytt þremur árum á láni hjá AC Milan af dvölinni í spænsku höfuðborginni.
