Manchester United vann mikilvægan 2-1 sigur á Brentford í ensku úrvalsdeildinni á Old Trafford.
Sigurinn færir United enn nær sæti í Meistaradeildinni að ári.
Heimamenn byrjuðu af krafti og komust yfir strax á 11. mínútu þegar Casemiro skoraði eftir stoðsendingu frá Harry Maguire. United tvöfaldaði síðan forystuna rétt fyrir hálfleik þegar Benjamin Šeško skoraði annað mark liðsins eftir undirbúning frá Bruno Fernandes.
Fernandes hefur nú lagt upp 19 mörk á tímabilinu og vantar bara eina stoðsendingu í viðbót til að jafna metið þegar fjórar umferðir eru eftir.
Manchester United virtist vera með leikinn í hendi sér stærstan hluta síðari hálfleiks, en Brentford gafst ekki upp. Mathias Jensen minnkaði muninn fyrir gestina á 87. mínútu og hleypti spennu í lokamínúturnar.
United hélt þó út og tryggði sér öll þrjú stigin með sterkum varnarleik á lokakaflanum.
