Markaveisla var í tveimur leikjum 4. umferðar Bestu deildar karla í kvöld þar sem bæði Fram og KR fögnuðu sannfærandi sigrum.
Fram valtaði yfir ÍBV með 5-1 sigri á heimavelli. Atli Þór Jónasson var í aðalhlutverki með tvö fyrstu mörk heimamanna á 11. og 32. mínútu.
Þorri Stefán Þorbjörnsson bætti við þriðja markinu snemma í síðari hálfleik áður en Róbert Elís Hlynsson minnkaði muninn fyrir Eyjamenn. Kyle McLagan svaraði skömmu síðar með fjórða marki Fram og innsiglaði heimaliðið stórsigur.
Á Meistaravöllum hafði KR betur gegn FH í fjörugum leik, 4-2. Aron Sigurðarson kom KR yfir strax á 6. mínútu en FH jafnaði tveimur mínútum síðar með marki frá Tómasi Orra Róbertssyni.
KR svaraði með þremur mörkum í röð frá Eiði Gauta Sæbjörnssyni, Amin Cosic og Aroni á ný. Tómas Orri minnkaði muninn fyrir FH fyrir hlé en nær komust Hafnfirðingar ekki.
Fram og KR taka því þrjú mikilvæg stig úr umferðinni en KR er með fullt hús stiga. Vandræði FH og ÍBV halda áfram, bæði lið eru með eitt stig og mígleka inn mörkumm
