Gylfi Þór Sigurðsson átti frábæran leik fyrir lið Everton sem spilaði við Cardiff í Wales í gær.
Leikið er í ensku úrvalsdeildinni en leiknum lauk með sannfærandi 3-0 sigri gestanna frá Liverpool.
Gylfi skoraði tvö af mörkum Everton í leiknum og er kominn með 57 mörk í úrvalsdeildinni.
Gylfi var að skora sitt 11. mark í deildinni á tímabilinu og hefur jafnað eigið markamet sem kom tímabilið 2015/2016 með Swansea.
Með mörkunum varð Gylfi markahæsti Íslendingurinn í ensku úrvalsdeildinni en Eiður Smári Guðjohnsen hafði átt metið í fleiri ár.
Gylfi birti mynd á Instagram síðu sinni í gær þar sem Eiður skaut aðeins á hann. ,,Af hverju tók þetta svona langan tíma?,“ skrifaði Eiður sem átti farsælan feril í ensku úrvalsdeildinni.
