Gylfi Þór Sigurðsson átti frábæran leik fyrir lið Everton sem spilaði við Cardiff í Wales í gær.

Leikið er í ensku úrvalsdeildinni en leiknum lauk með sannfærandi 3-0 sigri gestanna frá Liverpool.

Gylfi skoraði tvö af mörkum Everton í leiknum og er kominn með 57 mörk í úrvalsdeildinni.

Gylfi var að skora sitt 11. mark í deildinni á tímabilinu og hefur jafnað eigið markamet sem kom tímabilið 2015/2016 með Swansea.

Með mörkum sínum í gær er Gylfi orðinn markahæsti Íslendingurinn í sögu ensku úrvalsdeildarinnar, hann bæti met sem Eiður Smári Guðjohnsen átti.

,,Ég vissi af þessu meti og ég hef beðið eftir því að bæta það,“ sagði Gylfi eftir sigurinn á Cardiff í gær.

Þegar Gylfi var að alast upp var Eiður Smári fyrirmynd fyrir ungt knattspyrnufólk. ,,Ég er mjög stoltur, þegar ég ólst upp var Eiður Smári sá sem maður horfir til.“

,,Ég vildi verða eins og hann og spila í ensku úrvalsdeildinni,“ sagði Gylfi en Eiður Smári lék með Chelsea og fleiri liðum í deild þeirra bestu.

,,Vonandi sendir hann mér sms skilaboð, það er frábært að komast loks yfir hann.“