Eric Cantona, fyrrum leikmaður Manchester United, er ánægður með það að Paul Pogba, leikmaður liðsins, sé hættur að skipta um hárgreiðslur.
Pogba er þekktur fyrir það að vera ansi litríkur en hann er mikið fyrir það að breyta því hvernig hann lítur út.
Hann gerði það reglulega undir stjórn Jose Mourinho en hefur haldið sig við sömu greiðsluna síðan Ole Gunnar Solskjær tók við.
,,Síðan Ole kom til félagsins þá hefur hann ekki skipt um hárgreiðslu,“ sagði Cantona.
,,Kannski hefur Solskjær náð að fá Pogba til að fatta það að það mikilvægasta er að spila fótbolta.“
,,Fyrst þarftu að vera góður á vellinum og svo máttu gera eitthvað annað. Það er ekki gott ef þú missir einbeitinguna því þú hugsar meira um hárið en fótboltann.“
