Tina Knowles Lawson, móðir söngkonunnar Beyoncé, leysir frá skjóðunni um dóttur sína í viðtali á vef Us Weekly.

„Beyoncé kann ekki að elda,“ lét Tina hafa eftir sér á góðgerðarviðburði á mánudaginn. Hún bætti við að systir Beyoncé, tónlistarkonan Solange, sé hins vegar lunkin þegar kemur að eldamennsku.

Beyoncé hefur játað þennan veikleika í viðtölum í gegnum tíðina.

„Ég elda ekki mikið,“ sagði hún í viðtali við Cosmopolitan árið 2006. „En ég er góð í að sjóða spagettí og búa til samlokur. Ég veit að það er einfalt en það eru mínir sérréttir.“

Hún bætir upp fyrir þennan veikleika með góðum kosti.

„Ég er góður smakkari,“ grínaðist Beyoncé með í viðtali við New York Times árið 2015.

https://www.youtube.com/watch?v=PeonBmeFR8o