Angel di Maria var ekki frábær á Englandi en hann lék með Manchester United í aðeins eitt ár.
Hann var fenginn til félagsins af Louis van Gaal árið 2014 en var svo farinn til Paris Saint-Germain ár síðar.
Di Maria segir að það sé Van Gaal að kenna hversu illa gekk á Old Trafford en það voru vandamál þeirra á milli.
,,Ég var bar þarna í eitt ár. Þetta var ekki besti tíminn á ferlinum eða meira að ég mátti ekki upplifa mína bestu tíma þarna,“ sagði Di Maria.
,,Það voru vandamál á milli mín og þjálfarans á þessum tíma. Ég þakka Guði fyrir að hafa komist til PSG og sýnt hvað í mér býr.“
Di Maria spilaði 32 leiki fyrir United á þessum tíma en tókst aðeins að skora fjögur mörk.
