Tvífarar eru Vigdís Hauksdóttir, borgarfulltrúi Miðflokksins, og Linda Blöndal, fjölmiðlakona á Hringbraut. Báðar eru þær þaulreyndar og beittar á sínu sviði. Vigdís hefur verið mjög áberandi eftir að hún sneri aftur í stjórnmálin. Til að mynda hefur hún látið til sín taka í braggamálinu og sýnt borgarstjórninni meira aðhald en aðrir fulltrúar í minnihlutanum til samans. Linda hóf störf hjá Hringbraut árið 2016 og stýrir meðal annars þættinum Þjóðbraut. Áður starfaði hún sem fréttamaður hjá RÚV og Stöð 2.
