Breski spjallþáttastjórnandinn James Corden er einn sá vinsælasti í heimi, en þáttur hans The Late Late Show er sýndur við miklar vinsældir í Bandaríkjunum, og víðar.
Föst innslög þáttanna, eins og Carpool Karaoke, njóta einnig mikilla vinsælda á YouTube.
Fyrir jól rifjaði hann upp skemmtileg atvik úr þáttum ársins, eins og fallhlífastökk með Tom Cruise, þegar hann sýndi Eddie Redmayne töfrabrögð, lék í vestra með Ryan Reynolds, tók þátt í kappáti með Gordon Ramsay og fór á æfingu um miðja nótt með Mark Wahlberg.
