Í niðurstöðu úttektar Innri endurskoðunar Reykjavíkurborgar á bragganum umdeilda í Nauthólsvík kemur fram að borgin hafi byrjað að innheimta húsaleigu vegna rýmisins  í júlí 2018. Það stangast á við fyrri upplýsingar sem DV hafði birt. 

Þar kemur fram að húsaleigan samkvæmt samningi sé 670.125 krónur á mánuði. Við afgreiðslu málsins í borgarráði var leigufjárhæð samþykkt og gert ráð fyrir því að meðgjöf borgarinnar með samningnum yrði 41 milljón króna á 40 ára leigutíma. Þessar tölur voru reiknaðar út miðað við þær forsendur sem skrifstofa eigna og atvinnuþróunnar gaf sér árið 2015. Þá var gert ráð fyrir kostnaður við framkvæmdanna yrði 158 milljónir króna en endanlegur kostnaður var hins vegar 425 milljónir króna.

Miðað við raunkostnaðinn þá verður meðgjöf Reykjavíkurborgar til Háskólans í Reykjavík 257 milljónir króna og þyrftu leigugreiðslur að hækka um rúmlega 1 milljón króna á mánuði, í 1.697 þúsund krónur, til að núvirði verkefnisins yrði jákvætt.