Myndlistarmaðurinn Kristinn Guðmundsson stýrir matreiðsluþáttunum SOÐ sem hafa vakið gríðarlega athygli síðustu misseri. Ekki út af því að Kristinn er svo mikill snilldarkokkur heldur út af því hve endalaust sjarmerandi og sniðugur hann er.
Í SOÐ virðist nefnilega ekkert vera æft eða planað – Kristinn spilar af fingrum fram og það fylgir þáttunum ákveðin heillandi óreiða sem lætur mann vilja meira. Það er því ekki furða að Sjónvarp Símans hefur tryggt sér SOÐ-þættina.
Í nýjum SOÐ-þætti býr Kristinn til eftirréttapítsu. Hann notar jarðarber, bláber og hindber, sem hann man reyndar ekki hvað heita, sem álegg og jafnframt lakkríssúkkulaði frá Omnom. Baksturinn fer fram í svokölluðum UUNI pítsaofni sem á eingöngu að nota utandyra, en þar sem Kristinn brýtur allar reglurnar er hann búinn að búa til stromp til að leiða reykinn úr húsi og tekur áhættuna með að baka pítsuna innandyra.
Kristinn, gjöriði svo vel:
https://www.facebook.com/CookShowSod/videos/2361939307366570/