Lögreglan í Vestmannaeyjum var kölluð að húsi einu í bænum um helgina eftir að heimilishundur hafði ráðist á húsbónda sinn. Eigandi hundsins sem er kona á fertugsaldri kallaði eftir aðstoð lögreglu eftir að hundurinn réðst á hana og beit, bæði í andlit og hendi. Lögreglan í Vestmannaeyjum greinir frá þessu í færslu á Facebook.
Konan var með töluverða áverka við augu og var flutt á Heilbrigðisstofnun Suðurlands til aðhlynningar og er á batavegi. Hundurinn sem var af gerðinni Alaska Malamute var í kjölfarið aflífaður að ósk eiganda síns.
