Anja van Staden hönnuður var með svart húðflúr, en ekki lengi. Anja og dóttir hennar, Alaska sjö ára, búa í Jóhannesarborg í Suður Afríku og leyfði Anja dótturinni að lita húðflúr sitt.

Mom can I colour your arm plz. pic.twitter.com/QUXDIEFXnr

— Mediocre Designer (@rebellenoire) June 24, 2018

Anja deildi síðan myndum af listaverkinu á Twitter. „Ég er hönnuður og Alaska er alltaf að teikna og lita með mér. Þetta var í fyrsta skipti sem hún vildi lita á mig, okkur leiddist báðum þegar hún byrjaði.“

Að hennar sögn vill Alaska verða hönnuður og listamaður í framtíðinni. Og segir Anja að dóttirin fái örugglega að lita fleiri húðflúr hennar í framtíðinni. „Við munum pottþétt gera þetta aftur og ég er að fara að fá mér fleiri húðflúr, það er ekkert betra en að vera lifandi litabók.”
130 þúsund hafa endurtvítað færslu hennar og 471 þúsund hafa látið sér líka við hana á þeim tæpa mánuði sem liðinn er.
„Viðbrögðin hafa verið ótrúleg, það er frábært í þessum hafsjó af neikvæðum fréttum og mér finnst gott að hafa glatt daginn hjá einhverjum með færslunni. Alaska er líka ánægð. Ég held að margir hafi skipt um skoðun á húðflúrum nýlega, og færslan hefur sýnt að mörg börn elska þau.“