Alisson Becker hefur skrifað undir samning við Liverpool á Englandi en hann kemur til félagsins frá Roma.
Alisson hefur undanfarin tvö ár verið á mála hjá Roma en hann gekk í raðir félagsins frá Internacional í Brasilíu.
Þessi 25 ára gamli leikmaður er aðalmarkvörður brasilíska landsliðsins og varði markið á HM í sumar.
Alisson kostar Liverpool 67 milljónir punda og er í kjölfarið dýrasti markvörður sögunnar.
Brassinn skrifaði undir samning við enska félagið í kvöld og var koma hans staðfest af félaginu stuttu síðar.
Alisson mun taka við af Loris Karius sem aðalmarkvörður liðsins en Karius þykir ekki nógu traustur á milli stanganna.
