Leigubílasögurnar eru daglegur liður hér á 433.is. Í þessum lið er farið yfir helsta slúðrið og sögusagnirnar úr fótboltanum, aðallega úr bresku pressunni.

Félagaskiptaglugginn í öllum stærstu deildum Evrópu er nú opinn og eru fjölmörg lið að skoða í kringum sig.

Hér má sjá pakka dagsins.

Eden Hazard, leikmaður Chelsea, er efstur á óskalista Real Madrid yfir leikmenn sem gætu tekið við af Cristiano Ronaldo. (Star)

Búist er einnig við að markvörðurinn Thibaut Courtois fari frá Chelsea til Real fyrir 31 milljón punda. (Marca)

Gary Cahill, fyrirliði Chelsea, er að íhuga það að yfirgefa félagið í sumar en Chelsea er að fá Daniele Rugani frá Juventus. (London Evening Standard)

Everton er komið langt í viðræðum við Bordeaux um að fá vængmanninn Malcom. (Sky Sports)

Bournemouth mun eyða 32 milljónum punda í Jefferson Lerma, miðjumann Levante. Hann verður dýrastur í sögu félagsins. (Sun)

Rafael Benitez, stjóri Newcastle, þarf að selja leikmenn áður en hann getur fengið nýja menn inn. (Mirror)

Porto hefur áhuga á varnarmanni Newcastle, Chancel Mbembe en vill ekki borga 8 milljónir punda. (A Bola)

Crystal Palace er að tryggja sér framherjann Khouma Babacar sem spilar fyrir Sassuolo á Ítalíu. (Mirror)