Heimir Hallgrímsson er hættur sem landsliðsþjálfari íslenska karlalandsliðsins en hann gaf það út í dag.
Það er mikill skellur fyrir leikmenn Íslands sem og þjóðina en Heimir hefur náð frábærum árangri í sínu starfi.
Margir leikmenn sendu kveðju á Heimi í gegnum samskiptamiðla í dag og þar á meðal markvörðurinn Hannes Þór Halldórsson.
Hannes var frábær í landsliðinu undir stjórn Heimis og saman komust þeir í lokakeppni HM og EM.
Hannes birti fallega mynd á Instagram í dag en þar má sjá hann og Heimi eftir 5-2 tap gegn Frökkum í 8-liða úrslitum EM.
Skilaboðin sem hann fékk frá Heimi voru þau að þetta væri ekki búið. Það væri meira á leiðinni.
