Söngkonan, dansarinn, leikstjórinn með meiru Selma Björnsdóttir útskrifaðist nýlega sem athafnarstjóri hjá Siðmennt.
Á laugardag stjórnaði hún sinni fyrstu hjónavígslu. „Ég stjórnaði minni fyrstu hjónavígslu í dag sem athafnarstjóri á vegum Siðmenntar og hjartað mitt stækkaði um nokkur númer. Þvílík fegurð og gleði. Takk fyrir mig.“
Í samtali við DV fyrr í sumar sagðist Selma hafa ákveðið þetta eftir samtal við annan athafnarstjóra, Bjarna Snæbjörns vin hennar. „Mér fannst þetta heillandi starf og svo er ég er sammála grunngildum Siðmennar og langaði að starfa á þeirra vegum.“
Þeir sem vilja panta Selmu eða aðra sem athafnarstjóra er bent á að hafa samband við Siðmennt.
