Hörður Snævar Jónsson skrifar frá Rússlandi:
,,Það hefur komið mér á óvart hversu rólegir við erum búnir að vera,“ sagði Gylfi Þór Sigurðsson leikmaður íslenska landsliðsins fyrir æfingu liðsins í Rússlandi í dag.
Íslenska liðið er að æfa í þriðja sinn í dag en nú er farið að styttast í fyrsta leik á HM, liðið hefur leik á laugardaginn gegn Argentínu.
,,Ég hélt að það yrði meiri spenna og æsingur í okkur, þetta kemur þegar við förum að ferðast í leikina.“
,,Það fer mjög vel um okkur, frábærar aðstæður. Það mætti vera aðeins minni vindur.“
,,Ég vona að við séum ekki of yfirvegaðir, það var meiri spenna og fiðringur fyrir EM. Þá var allt í fyrsta sinn.“
Viðtalið er í heild hér að neðan.
