HM er handan við hornið og strákarnir okkar halda utan á morgun. Það er ljóst að þeir verða glæsilegir innan sem utan vallar. Herragarðurinn sá um að sérsauma föt á þá: ljósblár jakki, dökkbláar buxur,brún belti, hvít skyrta og dökkblátt bindi.
Inn í jakkakraganum er ísaumað „Fyrir Ísland“ og nöfnin þeirra saumuð inn í jakkana. Í barminum má svo sjá ísaumað lógó Knattspyrnusambands Íslands, KSÍ.
En það er ekki allt, fyrir stuttu fengu strákarnir sérstök HM 2018 úr frá Gilbert úrsmiði.
