Rúrik Gíslason átti flottan leik fyrir íslenska landsliðið í kvöld og var valinn maður leiksins af 433 eftir 3-2 tap gegn Noregi.
Rúrik segist vera að njóta þess að vera á vellinum þessa stundina og vill sýna gæði sín með landsliðinu.
,,Mér finnst dálítið skemmtilegt í fótbolta núna og ég er þakkláttur fyrir nýtt líf sem ég fékk frá þjálfaranum í Sandhausen í janúar,“ sagði Rúrik.
,,Mér líður mjög vel inni á vellinum og reyni að gera eitthvað af viti.“
,,Ég er dálítið mikið fyrir það að sýna mig, nei eins og ég segi þá líður mér vel í líkamanum og er í góðu formi.“
,,Við getum alveg tekið eitthvað út úr þessu en eins og þú segir það eru líka einhverjir slæmir hlutir. Ég tjái mig ekki um það núna en við förum yfir það á fundum í vikunni.“
