Jessie J gaf nýlega út plötuna R.O.S.E. og á því er lagið Rose Challenge, sem er instrumental. Jessie J óskaði eftir að aðdáendur hennar myndu setja myndband af sér á Instagram með myllumerkinu#rosechallenge og syngja einhvern texta við lagið.
Sjana Rut samdi frumsaminn texta, söng hann við lagið og setti á Instagram.
Nokkrum klukkustundum síðar fékk hún tilkynningu: „Jessie J liked your post.“Þetta var ansi skemmtileg uppákoma þar sem Sjana Rut er mikill aðdáandi hennar.
Og til gamans má geta að Jessie J mun koma til Íslands í næstu viku í annað sinn og halda tónleika. Sjana Rut fór á síðustu tónleika árið 2015 og mun auðvitað fara aftur í ár.
Sjana Rut er íslensk söngkona og hefur verið að gefa út sín eigin lög frá 2016. Lög hennar hafa notið vinsælda hér innanlands, en einnig fyrir utan landsteinana. Nýjustu lögin hennar hafa til dæmis verið spiluð á iHeart Radio í Bandaríkjunum og víða annarsstaðar. Núna er Sjana og bróðir hennar, NumerusX, að leggja lokahönd á fyrstu EP plötu þeirra systkina, en hún kemur út innan tíðar.
