Stórleikarinn Dwayne Johnson gerðist faðir stúlku í þriðja sinn í gær, þegar hann tók á móti nýjasta meðlim fjölskyldunnar, Tiönu Giu Johnson. Fyrr á hann stúlkurnar Simone (17) og Jasmine (3).
Tiönu og barnsmóðurinni, Lauren Hashian, heilsast vel. Leikarinn faldi ekki ánægjuna á Instagram-síðunni sinni, en þar birti hann langa færslu og eftirfarandi ljósmynd af splunkunýju feðginunum, þar sem hann ákvað að nýta einnig tækifærið og færir tilvonandi feðrum góð ráð.
„Húð við húð. Okkar kraftur. Mikið er ég heppinn og stoltur af því að færa aðra sterka stúlku í þennan heim. Tiana Gia Johnson kom inn í heiminn eins og náttúruafl og móðir hennar þraukaði og fæddi eins og sönn rokkstjarna“, segir hann í færslu sinni og heldur áfram.
„Smá ráð til herrana. Það er nauðsynlegt að vera staddur í kolli dömunnar ykkar þegar hún er að fæða og vera eins stuðningsríkur og hægt er, hvað sem þú getur gert. En ef þú vilt virkilega skilja eitt magnaðasta og náttúrulegasta augnablik lífs þíns, fylgstu vel með barninu þínu fæðast. Það breytir lífi þínu og sú virðing og aðdáun sem þú hefur fyrir konunni, mun að eilífu vera takmarkalaus.“
