Sjálfstæðisflokkurinn mælist nú með mest fylgi íslenskra stjórnmálaflokka samkvæmt könnun MMR, eða 19,9 prósent. Vinsti græn fylgja strax á eftir með 19,1 prósent fylgi.
Þetta kemur fram í niðurstöðum nýjustu könnunar MMR á fylgi flokkanna en athygli vekur að fylgi Sjálfstæðisflokksins og Vinstri grænna heldur áfram að dragast saman. Sjálfstæðisflokkurinn mældist með 21,1 prósent fylgi og Vinstri græn með 21,8 prósent fylgi í síðustu mælingu.
Meðan hefur fylgi Samfylkingarinnar aukist og mælist nú 15,8 prósent en flokkurinn mældist með 13,0 prósent í síðustu mælingu og 10,4 prósent undir lok september. Stuðningur við Samfylkinguna hefur því aukist um 5,4 prósentustig á innan við mánuði.
Þá hefur stuðningur við ríkisstjórnina hækkað á milli mælinga. Kváðust 23,8 prósent nú styðja ríkisstjórnina samanborið við 21,8 prósent í síðustu könnun.
Fylgi Pírata mælist nú 11,9 prósent en mældist 10,5 prósent í síðustu könnun. Fylgi Miðflokksins mældist nú 11,0 prósent og mældist 10,7 prósent í síðustu könnun. Fylgi Framsóknar er nú 8,0 prósent en var 5,9 prósent í síðustu könnun.
Fylgi Viðreisnar mældist nú 6,7 prósent og mældist 3,6 prósent í síðustu könnun. Fylgi Flokk fólksins mældist nú 5,3 prósent en mældist 7,4 prósent í síðustu könnun.
Fylgi Bjartrar framtíðar mældist nú 1,6 prósent og mældist 4,2 prósent í síðustu könnun.Fylgi annarra flokka mældist 0,8 prósent samanlagt.
