Khloé Kardashian hélt upp á merkilegan áfanga með systrum sínum á dögunum og fékk af því tilefni köku með ökuskírteini.

Tilefni veislunnar var að Khloé er loksins laus við eftirnafn fyrrum eiginmannsins Lamars Odon.

„Hei krakkar, sjáið hvað aðstoðarfólk Khloé keypti handa henni til að halda upp á að hún fékk nýtt vegabréf án gamla eftirnafnsins. Þetta er nýja eftirnafnið,“ sagði Kim, systir hennar Khloé í snapchat myndbandi á fimmtudaginn og sýndi köku með áprentaðri mynd af ökuskírteini. Neðst á kökunni stendur „Til hamingju með nafnbreytinguna!“ skrifað með sykurletri.

https://www.instagram.com/p/BQT6KrSlsrF/?taken-by=kimksnapchats

„Þetta er góður dagur!“ heyrist Khloé segja í öðru myndbandi.

https://www.instagram.com/p/BQT6h32lzkC/?taken-by=kimksnapchats

Þó að kakan líti út svipað og ökuskírteini frá Kaliforníu hafa ákveðnar breytingar verið gerðar til að lýsa lífi Khloé enn betur. Heimilisfangið er á kökunni „Freedom Lane 13,“ og í stað þyngdar í pundum, eins og til siðs er í Bandaríkjunum, stendur einfaldlega „skinny bitch“ og er þar vísað í að raunveruleikastjarnan hefur misst um 30 kíló að undanförnu.

Khloé er núna í tygjum við NBA körfuboltaleikmaninn Tristan Thompson, en skilnaður hennar við Lamar Odom gekk í gegn í desember í fyrra eftir sjö ára hjónaband. Khloé sótti um skilnað árið 2013, en frestaði málunum þegar Lamar féll í dá vegna ofskammts af fíkniefnum.

Hér blæs Khloé svo á kertin – mikið stuð!

https://www.instagram.com/p/BQT7KR7Fk6H/?taken-by=kimksnapchats