Að undanförnu hefur verið mikil umræða í fjölmiðlum um dreifingu nektarmynda og kynferðislegs efnis sem tekið er í óþökk þeirra sem þar sjást. Rætt hefur verið um hver beri ábyrgð á dreifingu og við hverja skuli sakast.

Lestu meira: Óttar, nú hættir þú! – Ragga tekur hrútskýranda í kennslustund

Lestu meira: Ég bað ekki um að fá að sjá þetta myndband – Fávitinn á næsta borði

Lögreglan á höfuðborgarsvæðinu birti eftirfarandi skilaboð á facebook-síðu sinni í dag:

Lögreglu berast reglulega tilkynningar um fólk sem er að dreifa nektarmyndum af öðrum, jafnvel barnungu fólki, á netinu. Skemmst er frá því að segja að dreifing slíkra mynda getur varðað við lög, auk þess að vera gróft brot á rétti okkar allra til friðhelgi. Þau sem hafa slíkar myndir undir höndum gera rétt með því að eyða þeim strax.

Lögreglan hvetur foreldra til að lesa ráðin frá SAFT, sérstaklega reglu númer 8 sem hljóðar svo:

Netsiðir eru mannasiðir á netinu og rétt eins og óformlegar siðareglur gilda í daglegu lífi segja óformlegar siðareglur til um hvernig fólki ber að haga sér í netmiðlum. Þessar reglur snúast meðal annars um kurteisi, virðingu, umburðarlyndi, ábyrgð og gott og rétt mál. Einelti er einnig orðið algengt á netinu og mikilvægt er að allir geri sér grein fyrir að einelti er ofbeldi sem getur haft alvarlega afleiðingar í för með sér. Hvorki fullorðnir né börn eiga að lesa einkasamskipti annarra, setja meiðandi myndir eða texta um aðra á netið eða nota efni sem ekki má afrita.

Hér má nálgast netorðin 10 frá SAFT.