Flestir sjá fyrir sér þvengmjóar, hvítar konur með örsmáar mjaðmir sem hið klassíska útlit ballerínunnar. Kona nokkur í Englandi hefur núna breytt þessari staðalímynd fyrir fullt og allt með því að vera fyrsta trans ballerínan sem hefur staðist próf konunglega balletskólans.
Samkvæmt Metro byrjaði Sophie Rebecca í breytingaferli sínu fyrir tveimur árum síðan þegar hún var þrjátíu og fimm ára gömul og hefur síðan verið transkona opinberlega. Hún nýtur þess að fylgja draumum sínum með dansinum og vonast hún til þess að veita öðru fólki innblástur til þess að fylgja draumum sínum þrátt fyrir aldur.
Áður en Sophie byrjaði ferli sitt keyrði hún rallýbíla og og fór reglulega á skotveiðar en hún naut sín aldrei þar sem hún vissi frá unga aldri að hún væri föst í röngum líkama.
Eftir að Sophie byrjaði að taka kvenhormóna og að æfa dans líður henni loksins vel í eigin líkama.
