Jamie Carragher fyrrum leikmaður Liverpool og sérfræðingur Sky Sports segir að ef Alexis Sanchez fari til Manchester United sé það aðeins vegna peninga.
Enskir fjölmiðlar telja að Sanchez fari frekar til United en Manchester City.
Ástæðan er sú að United er tilbúið að borga það verð sem Arsenal vill og þá er félagið einnig sagt bjóða Sanchez betri laun.
,,Eina ástæðan fyrir því að hann fari til United er fjárhagsleg,“ sagði Carragher.
,,Hann hefur aður unnið með Guardiola og liðið hjá City er betra en hjá United.“
,,Fólk talar um að hann fari beint inn í liðið hjá United, ef hann kemst í sitt besta form aftur þá gerir hann það. Hann hefur hins vegar ekki verið sannfærandi með Arsenal síðustu mánuði.“
