Sheffield United tók á móti Cardiff í ensku Championship deildinni í kvöld en leiknum lauk með 1-1 jafntefli.
Það var Leon Clarke sem kom heimamönnum yfir á 28. mínútu og staðan því 1-0 í hálfleik.
Anthony Pilkington jafnaði hins vegar metin fyrir Cardiff í uppbótartíma og lokatölur því 1-1.
Aron Einar Gunnarsson var í byrjunarliði Cardiff í kvöld og spilaði allan leikinn á miðjunni.
Cardiff er í öðru sæti deildarinnar með 80 stig, 5 stigum frá toppliði Wolves.
