Rafinha er að ganga til liðs við Inter Milan en það er AS sem greinir frá þessu.
Hann mun skrifa undir lánssamning við ítalska félagið, út tímabilið og hefur Inter svo forskaupsrétt á honum, næsta sumar.
Verðmiðinn á honum er í kringum 35 milljónir evra en hann hefur nánast ekkert spilað með Börsungum á þessari leiktíð.
Hann mun ferðast til Milan um helgina til þess að gangast undir læknisskoðun og ef allt gengur eftir mun hann skrifa undir samning við félagið.
Rafinha hefur ekki átt fast sæti í liði Barcelona, undanfarin ár og hefur aðeins komið við sögu í tæplega 50 leikjum með félaginu síðan 2011.