Björn Þorfinnsson, fjölmiðlamaður og skákmeistari, og Tómas Steindórsson, útvarpsstjarna og körfuboltasérfræðingur, mættu til Helga Fannars Sigurðssonar í Íþróttavikuna.
Southampton var hent úr umspili ensku B-deildarinnar fyrir að njósna um æfinguy Middlesbrough í aðdraganda einvígis liðanna í undanúrslitum.
„Þetta er svo ógeðslega heimskulegt. Það er til Wyscout og allir leikir eru til á teipi. Hvað ætlarðu að fá út úr því að senda einhvern gaur með myndavél og hlerunarbúnað, þó þú vitir byrjunarliðið, hvað ætlarðu að fá út úr því,“ sagði Tómas.
Souhtampton vann leikinn við Boro en ekki fyrri leikinn, sem var spilaður eftir njósnirnar umtöluðu.
„Þeir hafa gert þetta þrisvar núna en ekki unnið einn af þessum leikjum,“ sagði Tómas.
„Ímyndið ykkur fjárhagslegu hagsmunina sem eru þarna undir, þetta er yfirgengilegt,“ sagði Björn, en miklir peningar eru í boði fyrir lið og leikmenn sem fara upp í úrvalsdeildina.
„Það má færa rök fyrir því að þetta hefði getað orðið þyngsta fjárhagslega refsing sem félag hefur fengið,“ sagði Helgi.
Þeir félagar voru sammála um að refsingin væri ívið of hörð, en Southampton mun jafnframt hefja næstu leiktíð með fjögur stig í mínus.
„Menn liggja rotaðir í jörðinni og þá er sparkað í punginn líka,“ sagði Björn léttur.
Nánar í spilaranum.
